ສະພາຄວາມໝັ້ນຄົງ ສປຊ ຮັບຮອງເອົາມະຕິກ່ຽວກັບ ການປົກປ້ອງພາລະກອນກູ້ໄພກູ້ຊີບ
ສຳນັກຂ່າວສານ ຫວຽດນາມ ລາຍງານໃນ ວັນທີ 25 ພຶດສະພາ 2024 ນີ້ວ່າ: ສະພາຄວາມໝັ້ນຄົງ ສປຊ ໄດ້ຮັບຮອງເອົາມະ
ຕິເລກທີ 2730, ໃນນັ້ນ ໄດ້ຮຽກຮ້ອງບັນດາປະເທດເຄົາລົບ ແລະ ປົກປ້ອງພາລະກອນກູ້ໄພກູ້ຊີບ, ພາລະກອນ ສປຊ ແລະ ບັນດາ
ຜູ້ກ່ຽວຂ້ອງ.
ໂດຍມະຕິຮຽກຮ້ອງບັນດາຝ່າຍໃນການປະທະກັນປະກອບອາວຸດຕ້ອງເຄົາລົບກົດໝາຍ ວ່າດ້ວຍສິດທິມະນຸດສາກົນ ແລະ ກົດ
ໝາຍວ່າດ້ວຍມະນຸດສະທຳສາກົນ, ໃນນັ້ນມີທັງພາລະໜ້າທີ່ກ່ຽວຂ້ອງເຖິງເລື່ອງເຄົາລົບ ແລະ ປົກປ້ອງພາລະກອນກູ້ໄພກູ້ຊີບມະນຸດ
ສະທຳ, ພາລະກອນ ສປຊ ແລະ ບັນດາຜູ້ກ່ຽວຂ້ອງ. ມະຕິຍັງໄດ້ຮຽກຮ້ອງໃຫ້ທຸກໆຝ່າຍປະທະກັນດ້ວຍອາວຸດຢຸດຕິໃນທັນທີ ແລະ
ຢຸດຕິທຸກການກະທຳນຳໃຊ້ບັນດາວັດຖຸລະເບີດ ທີ່ລະເມີດກົດໝາຍວ່າດ້ວຍມະນຸດສະທຳສາກົນຢ່າງຊະຊາຍ, ພ້ອມທັງເນັ້ນໜັກເຖິງ
ຄວາມຈຳເປັນຕ້ອງປະຕິບັດບັນດາມາດຕະການເໝາະສົມເພື່ອຫຼຸດຜ່ອນໄພອັນຕະລາຍນີ້ຢ່າງມີປະສິດທິຜົນທີ່ສຸດ.
ຄຽງຄູ່ກັນນັ້ນ, ມະຕິກໍ່ຮຽກຮ້ອງບັນດາຝ່າຍປະທະກັນດ້ວຍອາວຸດເຄົາລົບບັນດາຫຼັກການຈຳແນກ, ທຽບເທົ່າ ແລະ ລະມັດລະວັງ
ໃນການດຳເນີນບັນດາການເຄື່ອນໄຫວທີ່ເປັນປໍລະປັກ ແລະ ຈຳກັດການບຸກໂຈມຕີ, ທຳ ລາຍ, ຂະຈັດປັດເປົາບັນດາວັດຖຸທີ່ຂາດບໍ່ໄດ້
ໃນຊີວິດຂອງສາມັນຊົນ.
ແຫຼ່ງທີ່ມາ: ໜັງສືພິມກອງທັບ
ວັນທີ 28/05/2024